CARREIRA CAMPO A TRAVÉS 2023

Realizaremos unha nova edición da competición de campo a  través en horario lectivo.

Esta vez toca Salceda de Caselas, concello que tamén nos acolle con todas as facilidades. 

Será no campo de fútbol e arredores do Borralliño, en Soutelo. 

Para iso tamén contamos coa colaboración da Comunidade de Montes veciñais de Soutelo, así como co seu centro cultural.

Normativa

1.- Data e lugar. No recinto das instalacións deportivas e culturais de O Borralliño, en Soutelo (Salceda de Caselas), o día 26 de outubro para alumnado de 2º, 3º, 4º e 5º de primaria, e o 27 para alumnado de 6º de primaria e 1º e 2º de ESO.

2.- Categorías. As categorías de participación son as correspondentes ao alumnado de cada nivel educativo:

• 2º de primaria (Benxamín 2016)
• 3º de primaria (Benxamín 2015)
• 4º de primaria (Alevín 2014)
• 5º de primaria (Alevín 2013)
• 6º de primaria (Infantil 2012)
• 1º de ESO (Infantil 2011)
• 2º de ESO (Cadete 2010)

Cada unha destas categorías terá unha subcategoría Feminina e Masculina

3.- Mutualidade.  A totalidade dos/das  participantes  deberá estar mutualizado en XOGADE na modalidade deportiva de campo a través coa antelación marcada no prazo de inscrición.

4.- Inscrición.  Os centros inscribirán ao seu alumnado participante a través da aplicación de inscricións de AGRUDEBAM. Para iso accederase dende a web www.agrudebam.es, no seu enlace, de inscricións, inscribindo segundo as instrucións pertinentes, publicada na web e difundidas aos centros participantes, cun prazo que remata o LUNS, 23 ás 15:00 horas.

5.- Horario e distancias.  As probas desenvolveranse nun horario en función do desenvolvemento do transporte, e do número de alumnos e alumnas desprazados.

Hora de comezo:  10:00 horas (concurrencia de participantes, e preparación da primeira carreira).

Realizaranse carreiras por categoría e sexo, facendo probas sucesivas de categoría ata completar os participantes da mesma. A título orientativo, establécese esta táboa (pode variar en función da chegada dos participantes ou da duración real de cada carreira):

Distancias:  os participantes percorrerán as seguintes distancias no circuito que se pode ver na web www.agrudebam.es:

Carreiras de 2º e 3º: 550 m

Carreiras de 4º e 5º: 800 m

Carreiras de 1º e 2º ESO: 1.300 m.

6.-Dorsais.  Os/as participante levarán dorsal por diante, de maneira que sexa perfectamente visible na carreira. Estes dorsais serán facilitados pola organización aos colexios. Os dorsais virán identificados co nome e curso de cada participante. Os dorsais serán autoadhesivos, e haberá que ter coidado de preservalos da choiva (no seu caso) antes da carreira.  Chegar a meta sen o dorsal visible pode ser causa de non aparecer no rexistro de chegadas.

7.- Resultados. Realizarase unha clasificación individual segundo a orde de entrada en meta e outra por equipos en cada unha das categorías. Para a clasificación por equipos terase en conta os/as catro primeiros/as atletas que cheguen á meta de cada entidade (catro homes e catro mulleres), e sumaranse os postos destes catro, sendo a entidade que menos sume (tendo en conta os reasultados masculinos e femininos) a vencedora da proba. En caso de empate resultará vencedor o equipo que teña o mellor posto individual. Os equipos     corresponderanse co grupo/aula do centro,  independentemente da categoría de cada membro.

8.- Premios. Medallas para os tres primeiros individuais de cada categoría e diploma para os clasificados do 4º ao 8º posto. Estes premios non se poderán entregar no momento da carreira, por cuestións organizativas, remitíndose posteriormente a cada centro.

9.- Clasificación para a fase provincial. Haberá dúas probas na fase provincial, unha exclusiva para centros escolares a realizar en horario lectivo, e outra para todas as entidades participantes no XOGADE. Ambalas dúas probas terán lugar e data a determinar pola Secretaría Xeral para o Deporte.

Provincial en horario lectivo:  Clasificarase o mellor equipo en cada categoría (curso).

Provincial fora de horario lectivo: En todas as categorías desta competición (BF, BM, AF, AM, IF, IM, CF, CM),  clasificaranse para a final provincial os/as cinco primeiros/as de cada fase zonal e curso. Os clasificados de cada grupo clase correrán a fase provincial dentro da súa categoría de idade.

10.- Transporte. O transporte xestionarase dende o Servicio Provincial, previa pretición coordinada pola Agrupación coa antelación de unha semana. Os coles participantes remitirán á Agrupación a información necesaria para esta solicitude de transporte, segundo modelo que se adxunta. Deberán indicar hora mínima de recollida e hora máxima de volta ao centro, así como o número de viaxeiros.

11.- Outras normas. Para todas as cuestións non contempladas neste regulamento, aterase á normativa XOGADE.

Aprázase para os vindeiros 3 e 4 de novembro as carreiras que tiñamos programada para esta semana de outubro por mor das condicións climatolóxicas que se prevén para este xoves 27 e venres 28 de outubro.

Este curso escolar comezaremos as actividades deportivas coa proba de campo a través en horario lectivo, co formato de carreiras por clases, nas que o máis valioso será a participación e convicencia con todos os coles. Nesta sección iremos poñendo máis información. Estade atentos e atentas.

O pasado mércores 24 de novembro celebrouse, de novo, esta modalidade de Campo a Través no CEP Plurilingüe Pedro Caselles Beltrán.

Participaron e desfrutaron moitísimo desta xornada, nesta vez, o alumnado de 3º Primaria, 5º de Primaria e de 1 ESO de diferentes centros educativos de Tui, Tomiño e Salceda.

Se queredes ver fotos de dita xornada facede clic na imaxe ou no seguinte hipervínculo.

CLASIFICACIÓN CAMPO A TRAVÉS HORARIO LECTIVO - 24 NOVEMBRO

Os pasados xoves 28 de outubro e venres 29 de outubro celebrouse esta modalidade de Campo a Través no CEP Plurilingüe Pedro Caselles Beltrán. 

As instalacións exteriores deste colexio e tendo en conta os protocolos para realizar este tipo de actividades deportivas permitiron a súa realización, repartidos no dous días propostos a finais de outubro.

Foi unha volta esperada despois que a pandemia paralizase toda a actividade deportiva cun éxito de participación, a pesar das condicións de frío e choiva no segundo día.  

Facede clic no documento PDF para ver os resultados da clasificación e na imaxe  para ver máis fotos deste evento.

Xa temos a organización deste evento deportivo, co horario xa máis definido. Para ver as horas aproximadas nas que van participar cada un dos centros educativos e os horarios de buses, repartidos nos dous días lectivos propostos, observade as imaxes que se amosan a continución.

Tamén tedes un plano onde podedes contemplar como realizar o acceso ao recinto escolar.

(En revisión os resultados de ESO)

Deberedes mandar as inscricións ao correo agrudebam@gmail.com o máis axiña que poidades, dada a dificultade da preparación.

Como data máxima, terán que estar enviadas o venres 8 para primaria, e o martes 12 para secundaria.

Todo o alumnado de cada clase de segundo, de terceiro e cuarto cursos de primaria,  así como de 1º, 2º e 3º de ESO dos centros da nosa zona.

Nesta proba as carreiras serán mixtas, cunha clasificación única para cada nivel educativo.

Os alumnos e alumnas consideraranse polo seu curso e non pola súa idade.

Dado que serán moitos os participantes, non podemos facer carreiras únicas por categoría.

Faranse varias series para segundo, logo para terceiro e finalmente para cuarto o día 14, e de igual modo co alumnado de ESO o día 15.

Con isto logramos que cada carreira non teña un número maior de 80 ou 90 participantes, para poder controlar a chegada dos participantes con garantías.

Cronometrarase os tempos de cada corredor. Desta maneira poderase posteriormente clasificar globalmente a totalidade dos participantes en cada categoría (2º e 3º).

Cada participante levará un dorsal identificativo personalizado, que inclúe chip para control por RF.  

Cada corredor participa cun dorsal único de clase.

Por exemplo:  o colexio Pedro Caselles participa con dúas clases de 2º. Os de 2ºA levan todos un dorsal único; os de 2º B levan todos outro dorsal único. Así as clasificacións de todos os alumnos e alumnas de 2º A darán un valor que os situará nunha clasificación con todos os demáis cursos e colexios de segundo.

Pero como podemos clasificar equipos con diferente número de participantes?

Isto realízase aplicando un algoritmo que compense a diferencia de número, e que podedes ver máis abaixo.

Sistema de puntuación para as carreras de primaria

Dado que cada clase compite cun número diferente de alumnos e alumnas, debemos establecer un criterio que equilibre estas diferencias sen deixar de ter en conta o resultado de todos eles.

A clasificación final farase en tres categorías:  segundo, terceiro e cuarto.

Por tanto, unha vez rematadas todas as mangas de cada nivel,  integraranse as clasificacións de todas as mangas dese nivel de tal xeito que o xogador máis rápido de segundo en todas elas, queda en primeiro lugar, e ordeadamente os demáis.

Cada posto computa eses mesmos puntos para a súa clase (recordade que cada clase ten un único dorsal).

Imaxinemos que un colexio participou cunha clase de 2º de 14 alumnos/as.

Estes 14 alumnos quedaron nos postos:  1, 17, 36, 129, 245... e sucesivamente ata os 14 postos. Con estes postos sumamos o valor total que obtiveron (imaxinemos que 3402 puntos).

Por outro lado calculamos a puntuación ideal deste grupo de alumnos, é dicir:  quedar nos postos 1, 2,3,4,5,6,7,8,9,10,11,12,13 e 14.  Isto sumaría 105 puntos.

Finalmente dividimos o resultado real entre o resultado ideal (neste caso: 3402/105 = 32,4).  Obtemos así un valor que canto máis baixo sexa, mellor resultado reflexará para o seu equipo.

Consideraremos tamén que en caso de empate de valor entre dúas clases, terá ventaxa a que teña máis participantes.

Así poderemos clasificar os equipos, pero tede en conta, e máis neste formato de competición, que o importante é participar.

Sistema de puntuación para as carreiras de secundaria

Procederemos de igual xeito que en primaria, pero introducindo outra variante:  a porcentaxe de alumnado en cada clase que participa, con relación ao seu número total.  Isto quere dicir, que pretendemos premiar a participación masiva de cada clase.

Se nunha clase participa o 80% ou máis, do seu alumnado, aplícase a fórmula de suma de postos real dividido entre suma de postos ideal.

Cando non se chega a esa porcentaxe, penalizarase a baixa participación desa clase, sumando postos últimos a un número de alumnos/as que completara esa cifra do 80%.

Exemplo:

O IES... presenta un equipo de 2º A con 15 participantes, e nesa clase a matrícula é de 24.  Para alcanzar a porcentaxe do 80%,  terían que participar 19. Como faltan 4, na súa clasificación sumaranse os puntos dos 15 participantes, e engadiremos a puntuación do último clasificado total desa carreira, multiplicado por catro. O factor de división mantense igual, sobre os 15 participantes. 

O día 16 de novembro concentramos ao alumnado de segundo e terceiro de primaria no terreiro de festas de Guillarei celebrando, por primeira vez,  a carreira de campo a través escolar para alumnado de 2º e 3º de primaria.

Esta proba tivo unha regulamentación diferente do campo a través zonal.

Participaron os CEIP de Tui: de Randufe, de Rebordans, Plurilingüe Número 1 e 2, Plurilingüe de Guillarei, de Pazos de Reis . Tamén o CEP Altamira de Salceda de Caselas e os colexios do Concello de Tomiño: CEP Pedro Caselles Beltrán, CEIP de Sobrada, Plurilingüe de Tebra, Pintor Antonio Fernández e de Barrantes. Un campo a través novidoso para a nosa Agrupación e que resultou fantástica e con éxito de participación e de realización.

A continuación, teredes algunhas fotos desta celebración deportiva. Tamén as clasificacións por equipos.

Parabéns aos de segundo, que participaron nun número de 303 nenos e nenas, en 19 equipos. Noraboa a Randufe, por ser os gañadores.

Felicitamos aos 272 corredores de terceiro que participaron na proba. E tamén  vai un recoñecemento e aplauso aos alumnos e alumnas de 3º B do CEIP Plurilingüe Nº 2, xa que foron os máis rápidos da competición.

Dado que serán moitos os participantes, non podemos facer dúas únicas carreiras.

Faranse varias series para terceiro e logo outras para segundo.

Previsiblemente serán catro carreiras en terceiro e catro en segundo.

Con isto logramos que cada carreira non teña un número maior de 80 ou 90 participantes, para poder controlar a chegada dos participantes con garantías.

Cronometrarase os tempos de cada corredor. Desta maneira poderase posteriormente clasificar globalmente a totalidade dos participantes en cada categoría (2º e 3º)

 Cada corredor participa cun dorsal único de clase.

Por exemplo:  o colexio Pedro Caselles participa con dúas clases de 2º. Os de 2ºA levan todos un dorsal único; os de 2º B levan todos outro dorsal único. Así as clasificacións de todos os alumnos e alumnas de 2º A darán un valor que os situará nunha clasificación con todos os demáis cursos e colexios de segundo.

Pero como podemos clasificar equipos con diferente número de participantes?

Isto realízase aplicando un algoritmo que compense a diferencia de número, e que podedes ver máis abaixo.