Retomamos a competición de voleibol, cunha nova ubicación no calendario, en plena primavera.

Máis abaixo recordamos a normativa de xogos, que se fará en campo de bádminton coa rede a 2 m.

Os días programados:  26 de abril, 3 de maio e 10 de maio.

Animádevos a participar!

Normativa da nosa competición.

Establecemos dúas modalidades:  para benxamíns (3º e 4º) e para Alevíns e Infantís.

Normas comúns:

1.- Xógase nun campo de bádminton con rede a 2 m. de altura.

2.-Os equipos son mixtos obligatoriamente, permanecendo en xogo sempre nenos e nenas.

3.- Xogan dous dianteiros e dous defensas. O defensa do lado dereito é o que ten o saque se lle corresponde ao seu equipo.

4.- Os equipos que gañan o punto gañan tamén o dereito de saque.

5.- Cada xogador sacará continuadamente se gaña o punto ata tres saques. Nese caso, se volve a gañar o punto, rotará obligatoriamente.

6.- As rotación faranse obligatoriamente tamén cando se recupera o saque.

7.- A rotación farase no sentido das agullas do reloxo,  e no caso de contar con suplentes, no momento da rotación será o momento da substitución deste xeito:

O xogador que estaba no posto do saque, abandona a pista, e o xogador que entra ocupa o posto de defensa do lado esquerdo.

8.- Cando hai varios substitutos, teñen que respetar a quenda de relevo, sen que se poida saltar ningún xogador agás que se incumpla a norma de ter en pista nenos e nenas en todo momento.

9.-Un equipo conta como mínimo con catro xogadores e como máximo con 7.

10.- Os partidos xóganse a tempo corrido, en set único, quedando o resultado final en función do remate do tempo, tendo como excepción que poderán rematar a xogada viva no momento de soar a bocina do final do tempo.

Normas específicas para Benxamíns

11.- Xogarán cun balón grande de tela.

112.- En cada xogada, agás no saque, poderán permitir un bote de balón, podendo continuar o xogo.

13.- O saque poderá realizarse golpeando cun brazo ou cos dous.

14.- Poderá sacarse dende calquera punto da zona de defensa.

15.- En cada xogada, agás no saque, terán que devolver a pelota ao campo contrario en dous ou en tres toques, pero non nun único toque.

Normas específicas para alevíns e infantís

16.- Xogarán cun balón de tamaño reglamentario, adaptado á idade escolar.

17.- O saque realizarase detrás da liña de fondo

18.- A pelota non pode ser devolta nun único toque, debendo dar dous ou tres (sempre alternando xogadores entre toques).

Finalmente celebraremos dúas xornadas, das previstas no calendario. A do día 5 de decembro non se fará.

Adxuntamos o modelo de inscrición para remitir a agrudebam@gmail.com. Simplemente nos indicades o número de equipos por categoría. Lembrade ter mutualizados a todos os participàntes dous días antes da competición.

Os pasados 22 e 29 de novembro tiveron lugar as dúas xornadas de volei. Este ano houbo pouca participación, motivo polo que se axilizou a celebracións destas xornadas no que participaron os CEIP nº2 de Tui, Ceip Barrantes, CEIP Pintor Antonio Fernández e CEP Pedro Caselles Beltrán de Tomiño.

Para ver fotos da xornada, facede clic na foto e co video no enlace de youtube.

Despois de dúas xornadas de competición, rematou o voleibol nesta tempada. O día 30 de novembro xogaron os equipos participantes e acadouse finalmente a seguinte clasificación:

Categoría Benxamin:

1º   Caselles A

2º   Nº 2 B

3º   Barrantes

4º   Caselles B

5º   Nº 2 C

6º   Nº 2 A

Categoría Alevín:

1º   Nº 2 B

2º   Caselles A

3º   Nº 2 A

4º   Sobrada A

5º   Goián B

6º   Randufe

7º   Goián A

8º   Caselles C

9º   Barrantes

10º Caselles B

11º Sobrada B