O día 4 de novembro de 2020 celebrouse a asemblea anual da agrupación. Nesta ocasión con todo por decidir no referido á actividade deportiva. 

Tócanos agardar ás propostas da Secretaría Xeral para o Deporte, e poñernos en marcha co que se poida facer dentro dos colexios.

So agardamos que mellore a situación para volver a activar toda a nosa actividade ordinaria.

Esta asemblea tamén serviu para despedir a Félix Piñel e Suso Besteiro. Dúas persoas con moitos anos de implicación nos seus colexios e nesta Agrupación, que son parte esencial da nosa historia deportiva. 

Moitas grazas polo voso traballo!

CALENDARIO DEPORTIVO DA TEMPORADA 2018- 2019

INVENTARIO DO MATERIAL DE AGRUDEBAM

Esta agrupación dispón dun material que pode estar a disposición dalgunha entidade e/ou centro educativo sempre que o solicite ao correo da agrupación (agrudebam@gmail.com) e non estea xa prestado por outra entidade ou centro educativo. Tampouco se poderá prestar se esta agrupación fai uso dela actualmente ou polas datas estima que vai darlle uso. A continuación tedes a lista, que se irá completando, do material que dispoñemos. Nela figuran o nome do material, onde se localiza, as cantidades e se está dispoñible ou prestado. Asimesmo, se está prestado; a que entidade ou centro educativo se lle emprestou.

PROPOSTAS DE ORGANIZACIÓN DUNHA XORNADA DE MULTIDEPORTE