Benvidos á páxina web  da Agrupación Deportiva Baixo Miño

A nosa agrupación leva xa funcionando moitos anos, polo esforzo dos que levaron antes esta responsabilidade. Tradicionalmente encargouse de xestionar a actividade deportiva escolar que se promove desde a Administración Pública da Xunta de Galicia no ámbito territorial das comarcas de O Baixo Miño, Louriña, Condado e Paradanta.

Desde o ano 2006 os membros do novo equipo directivo queremos modernizar esta organización e facela máis eficaz .

Traballamos en equipo, temos moita ilusión, e queremos contaxiar a máis persoas:  mestres, monitores, anpas, clubes...  en definitiva,  ser non soamente a canle de comunicación coa Secretaría Xeral para o Deporte,  sinon tamén unha plataforma que faga posible a organización do deporte de base na nosa zona,  e que sirva de referencia e apoio a tantas xentes que se relacionan con este mundo.

O ámbito territorial da nosa Agrupacion comprende os concellos de Oia, A Guarda, O Rosal, Tomiño, Tui, O Porriño, Salceda de Caselas, Mos, Savaterra de Miño, Ponteareas, Mondariz, Mondariz-Balneario, Covelo, Crecente, Arbo e A Cañiza.